قصة يتيــــــم

يـــــتـــــيم
سلام لك وحدك يخصك ياغلا هالروح
يانبض قلبي ويابلسم جراحاته
يادفا عمري وياعلة كل مجروح
لاصار مشتاقك وزادت عذاباته
كلمااحتضن طيفك يختفي ويروح
تختنق عبراته وتنزل دموع اهاته
طفل..طفل بالحلا حيل مملوح
وقف بين ايديني وبدا يسرد حكاياته
حكايات قلب بالهجر والعنا مذبوح
متمني ضمة حنان تسعده في حياته
بدا بكل برائة بهمه لي يبوح
ودمعه حبات لولو ماليه وجناته
قال قصتي مره وفيها فرح وطموح
عشتها مع ملاك ذبحتني ذكرياته
كان لي ام قلبها دوم مفتوح
ماتمل من صوتي وتموت في سكاته
علمتني ان الحياة ماهي عطر يفوح
ولاهي صرح عالي نتعلى فوق هاماته
هي محطات كثيرة والخطافيها مسموح
بس المهم كل منا يتعلم من عبراته
وفجاة تركتني وخلت دمي مسفوح
خلت الحزن ماليني ومالي شعري وابياته
ارجوك لاتذّكرني باي تفاصيل وشروح
لاني مكتفي بجرح فراقه ومماته
بيدي اللي ترتجف مسحت دمعه المطروح
من عيونه ومن فمه احتضنت كل عباراته
يتيم انا؟...رددها بصوته المبحوح
واضناه سهر ليله وهمه وانّاته
نادي وين ملاكي ذاك الخيل الجموح
اللي تسعدني شوفته وسماع همساته
قلت ملاكك الغالي لرب السماء ممنوح
ومصيرك بتلقاه وتتهنى بضماته
نصيحة..لو نادت ملاكك بقلبها السموح
اركع له وجدد هنا ايامك وساعاته
لاتبكي على حب يجي ايام ويروح
ابكي على قلب صعب تلقى مثل دقاته

صح لسانك
على هالقصيده الروعه
دائما الرائع ما ينتقي الا رائع
سلمت يداكي

جومه كتب:: صح لسانك
على هالقصيده الروعه
دائما الرائع ما ينتقي الا رائع
سلمت يداكي

يعطيك الف عافيه ياعسل
مشكوور عالمرور
تحياتي لك....