المستحيل فزاع

موضوع: المستحيل فزاع الخميس 24 فبراير 2011, 8:21 pm

قصيدة المستحيل

الـمسـتحـيـل يْحـبِّـني يـوم رمْـتـه
كأن مصيري مرتبط مَعْ مصـيره

والـياس حـارَبْني ، لكـنِّـي هَـزَمْتـه
وايَّـامـنـا رَاحَـاتـها مـســتــــديره

عِـزِّي من ابـوي الْـكريم اسْـتـلمتـه
عَلى الـمَسَار اكْمَلت نَـفْس الـمسـيره

الأوَّلـه .. حَق الـعَرَب ماهـضـمْته
والثـانيه .. نـباي فـي كل دِيـره

وابـوي .. أبـوي الصِّـيرمي لا عدمته
خَـذيت مِنْه الأوَّلَـه والأخـيره

كم بَحر تَرهِب غبِّـته .. بس عمْته
خطير ، واحِب الدروب الخـطيره

وْكَم وَاحدٍ لو ما حشَـمْني حشَمْته
ماهو على شانه .. على شان غـيره

وْكَم وَاحدٍ لو يجْـهَل اسمي ، ما لـمْته
عْيون لومي عَن شـرَاته ضـريره

وْكَم وَاحدٍ عليه غيضـي كتـمْتـه
أسَامحه ، واقول هو وْ ضـميره

وْكَم بيت شَاعِر كنِّـي اللي نظَمْتـه
يَجْذبْني اسْلوبه وحسْن تْـعَـبيره

وْكَم صَاحبٍ يَثْـبت معي لا زهَمْتـه
يبـين فـي شَر الزمن قبل خـيره

وْكَم وَاحدٍ آحسّـسه بانّي فـهَـمْته
أقرا في عيـنه ما حوتـه السريـره

وْكَم سيف في شوط التحَدِّي لطـمْته
ونْـفوس مِن تكْـرَه نجاحي كســيره

وْكَم ليل أتْعَـب رمْش عيني ما نـمْته
لين احْـتضن جفـني شعاع الظـهيره

وْكَم مِن حزامٍ يرتخي لا احْـتزمْته
ما ينْـلِبس عِنْـد الأمــور الكـبـيره

وْكَم مِن جـدَارٍ فـي طريقي هدَمْته
وبنيت باحـجاره للاجيـال سِـيْره

وْكَم عَاقلٍ تسْـتَـغرب الـنَّاس صَـمْـتـه
كبـير ، وعقـول الـخـلايق صـغـيره

وْكَم حِـلـم يتْحَقَّـق لا مـنّي حلـمْتـه
يثـيـرني يـوم احْـلـمه واسـتـثيره

وْكَم يوم من عمري يا وَقتي خصمْته
يامااطولك ، وايَّام نَاسك قـصـيره

إنسـان احـس انِّـه كَـفو لا احْـترمْته
نـفْسَـه غَـنـيَّـه لو يـديْنـه فـقـيـره

وانسـان .. بخْـزام الوفـا لو خـزَمْته
نار الغـدر فـي وسط يوفه سـعـيره

وْكَم وَاحـدٍ لو ما حـشَـمْني ، حشَـمْته
ماهو على شـانه ، على شـان غـيره

الأوَّلَـه .. حَـق الـعَـرَب ماهـضـمْته
والـثَّـانـيه .. نْـباي فـي كل دِيـره

والـثالثـه .. الـصِّـيرمـي لا عـدمْـتـه
خَـذيـت مِـنْه الأوَّلــه والأخـيــره

من كلمات سمو الشيخ حمدان بن محمد بن راشد آل مكتوم "فزاع"
المستحيل فزاع 66964

راااااااائع
وكلك ذووووقك
المستحيل فزاع 981531

يعطيكي العافيه حياتي
مشكورة عالمرور الطيب
تحياتي لك......

تسلمي غربه يعطيك

الفين عافيه

غفوة حلم كتب:: تسلمي غربه يعطيك

الفين عافيه

الله يخليكي حبيبتي
مشكوورة عالمرور

صح لساان الشاعر الشيخ حمدان بن محمد بن راشد
حقا كلمات في قمة الروعه
وبصراحه الي يعرف فزاع عن قرب راح يعرف
شخصيه اكثر من رائعه بما يملكه من صفات
واخلاق عاليه وتواضع وانا من حسن حظي
سبق وان التقيته اكثر من مره

تسلمين غربة مشاعر على النقل لهذه القصيده
وتسلم يدينك

صادق المشاعر كتب:: صح لساان الشاعر الشيخ حمدان بن محمد بن راشد
حقا كلمات في قمة الروعه
وبصراحه الي يعرف فزاع عن قرب راح يعرف
شخصيه اكثر من رائعه بما يملكه من صفات
واخلاق عاليه وتواضع وانا من حسن حظي
سبق وان التقيته اكثر من مره

تسلمين غربة مشاعر على النقل لهذه القصيده
وتسلم يدينك

يعطيك الف عافيه يالغلا
مشكووور عالطله الحلوة
ربي لايحرمنا منها
تحياتي لك.............